रूस नजिकै २ आणविक पनडुब्बी तैनाथ गर्न ट्रम्पको आदेश
काठमाडौं, साउन १७ । रुससँग बढ्दो तनावकाबीच अमेरिकी राष्ट्रपति डोनाल्ड ट्रम्पले शुक्रबार रुस नजिकै दुई आणविक पनडुब्बी तैनाथ गर्ने आदेश दिएका छन् । उनले गम्भीर परिणाम भोग्ने धम्की पनि दिए । यद्यपि, उनले पनडुब्बीहरू कहाँ तैनाथ गरिनेछ भनेर खुलाएका छैनन् । ट्रम्पले सामाजिक सञ्जाल साइट ट्रुथ सोशलमा यस निर्णयबारे जानकारी दिएका छन् । उनले आफ्नो कदमको लागि पूर्व रुसी राष्ट्रपति दिमित्री मेदवेदेवको उत्तेजक बयानबाजीलाई दोष दिएका छन् ।
यसअघि, जुलाई २८ मा स्कटल्याण्डको आफ्नो भ्रमणको क्रममा ट्रम्पले घोषणा गरेका थिए कि युक्रेन युद्ध समाप्त गर्न रूससँग १० देखि १२ दिन छ । यदि रूस यस समयमा युद्धविरामको लागि वार्ता गर्न सहमत भएन भने रूससँग व्यापार गर्ने देशहरूमा ुमाध्यमिक शुल्कु लगाइनेछ। ट्रम्पले ट्रुथ सोशलमा लेखेका छन्, पूर्व रुसी राष्ट्रपति र सुरक्षा परिषद्का उपाध्यक्ष दिमित्री मेदवेदेवको उत्तेजक बयानको कारण मैले रूस नजिकै दुई आणविक पनडुब्बी तैनाथ गर्ने आदेश दिएको छु, ताकि उत्तेजक बयानबाजी केवल बयानमा मात्र सीमित रहोस्।
विज्ञापन
मेदवेदेवले टेलिग्राममा लेखेका थिए- ट्रम्पले डेड ह्यान्डको खतरनाक शक्तिलाई सम्झनु पर्छ, यद्यपि यो अब अवस्थित छैन । यदि अमेरिकाका शक्तिशाली राष्ट्रपति रूसका पूर्व राष्ट्रपतिका केही शब्दहरूले यति डराउँछन् भने रूसको बाटो बिल्कुल सही छ। हामी हाम्रो बाटोमा लाग्नेछौं।
विज्ञापन
फेसबुक प्रतिक्रियाहरु