किन गठन भएन काठमाडौं महानगरपालिकाको फोहोर व्यवस्थापन कार्यदल?
सोमबार साँझ अबेरसम्म भएको कार्यपालिका बैठकमा आज बस्ने बैठकले पाँच सदस्यीय कार्यदल गठन गर्ने अनौपचारिक सहमति थियो।
तर, आज बस्ने भनिएको बैठक नै बसेन।
विज्ञापन
कार्यदलको समितिमा उपमेयरसहित नेकपा एमालेको एक वडाध्यक्ष, कांग्रेसका दुई वडाध्यक्ष र एकीकृत समाजवादीका एकजना वडाध्यक्ष सदस्यका रुपमा रहने कार्यपालिका बैठकमा भनिएको थियो।
विज्ञापन
समितिको सदस्य सचिव महानगरका प्रशासकीय अधिकृत रहनेगरी बन्ने भनिएको कार्यदलको बैठकबारे कुनै जानकारी नभएको वडा नं ८ का वडाध्यक्ष आशामान संगतले जानकारी दिए।
‘आजको कार्यदलको बैठकबारे जानकारी छैन’ उनले भने, ‘फोहोरमैला सम्बन्धी कार्यदल गठन नै भएको छैन। कार्यदलकै बैठक बस्नेको भनेजस्तो लाग्छ हामीलाई पनि। तर, हामी त राजनीतिक दलबाट प्रतिनिधित्व गर्छौं। राजनीतिक दलबाट प्रतिनिधित्व गर्दा कतिजना जाने हो हाम्रो पार्टीले खटाउँछ।’
भोलि नाम पठाएर कार्यदलको काम अघि बढ्ने उनले बताए। अहिलेसम्म महानगरपालिकाबाट बैठकबारे कुनै खबर नआएको पनि उनले बताए।
काठमाडौं १६ का वडाध्यक्ष मुकुन्द रिजालले पनि बैठकबारे आफूलाई कुनै जानकारी नआएको बताए।
‘बैठकबारे केही जानकारी आएको छैन्,’ उनले भने, ‘बस्यो बसेन, थाहा छैन, जानकारी नआएको कारणले आज बसेको छैन होला।’
वडा नं ३२ का वडाध्यक्ष नवराज पराजुलीले भने नेपाली कांग्रेसका तर्फबाट आउनुपर्ने नाम नआएको कारणले आजको बैठक बस्न नसकिएको जानकारी दिए।
कांग्रेस बाहेक अन्य दलका प्रतिनिधि महानगर कार्यालय पुगेका थिए। कांग्रेसबाट नाम आएपछी बसेर फोहोर व्यवस्थापन कार्यदल बस्ने पराजुलीले बताए।
चर्चामा
सम्बन्धित समाचार
फेसबुक प्रतिक्रियाहरु