चितवन । भरतपुर महानगरपालिकामा सत्तारुढ गठबन्धनबाट मेयरको उम्मेदवार रहेकी माओवादी नेतृ रेनु दाहालले प्रारम्भिक मतगणनामा सोचेजति मत नआएको बताएकी छिन् ।

विज्ञापन

मतगणनास्थलमा पत्रकारहरुसँग कुराकानी गर्दै दाहालले २ वटा वडाको मात्रै मतगणना जारी रहेको भन्दै भुइँकटहरले गठबन्धनको मत काटेको बताइन् ।

विज्ञापन

‘ठ्याक्कै सोचेजस्तो त भएन । कांग्रेसको स्वतन्त्र उम्मेदवारले भुइँकटहरबाट चुनाव लड्नुभएकोले गठबन्धन मत काट्नुभएको छ तर पनि मेरो अवस्था सुदृढ छ’, दाहालले भनिन् ।

उनले भरतपुरको ६, ८, ९ र पश्चिमचितवनका वडाहरुमा गठबन्धनले अग्रता बढाउने दाबी गरिन् ।