अभिनेत्री रेखा थापाले दोस्रो विवाह गरेकी छिन् । बलराम शाही ठकुरीसँग कोर्ट म्यारिज गरेकी हुन् ।

निर्माता छविराज ओझासँग छुट्टिएको लामो समयपछि रेखाले ठकुरीलाई जीवनसाथी रोजेकी हुन् । रेखा पछिल्लो समय राजनीतिक दलको नेतृको रुपमा चिनिएकी छन् ।

विज्ञापन

नेपाली समाजमा पहिले एकपटक विवाह गरेपछि वा श्रीमान्को निधनपछि एकल महिलाको रुपमा जीवन व्यतित गर्ने चलन रहिआएको थियो । पछिल्लो समय भने श्रीमान् वा श्रीमतीको निधनपछि या पहिलो विवाह असफल भएर डिभोर्स भएपछि महिला, पुरुष एकल बस्ने चलन बिस्तारै हराउँदै गएको छ । नेपाली कला क्षेत्रका धेरै कलाकारले अर्काे जीवनसाथी रोजेका छन् ।

विज्ञापन

रञ्जना शर्मा

अभिनेत्री शर्माले अमेरिकी निवासी निकेश सिलवालसँग दोस्रो विवाह गरेकी छन् । निर्देशक श्याम भट्टराईसँग डिभोर्सपछि उनले सिलवाललाई जीवनसाथी रोजेकी हुन् । सिलवाल र शर्मा हाल अमेरिकामै छन् ।

श्वेता खड्का

अभिनेत्री खड्काको पनि विजेन्द्रसिंह रावतसँग दोस्रो विवाह भएको छ । पहिलो पति अभिनेता श्रीकृष्ण श्रेष्ठको निधनपछि केही समय एक्लै बिताएकी खड्काले पछि प्रेमी रावतलाई जीवनसाथी बनाएकी हुन् ।

प्रियंका कार्की

अभिनेत्री कार्कीले अभिनेता आयुष्मान देशराज जोशीसँग दोस्रो विवाह गरेकी हुन् । यसअघि अमेरिका निवासी रोचक मैनालीसँग उनको विवाह भएको थियो ।

कृति भट्टराई

पत्रकारितामा समेत सक्रिय अभिनेत्री कृति भट्टराईले २०७६ मा रोहित पौडेलसँग दोस्रो विवाह गरेकी हुन् । भट्टराईको पहिलो विवाह सञ्चारकर्मी तथा निर्देशक रवि श्रेष्ठसँग भएकोे थियो । श्रेष्ठसँग डिभोर्सपछि रोहितसँग उनले प्रेम विवाह गरेकी हुन् ।

अञ्जु पन्त

गायिका पन्तले पनि दोस्रो पतिको रुपमा थिर कोइरालालाई केही अगाडि रोजेकी छिन् । गायक तथा सङ्गीतकार मनोजराज शिवाकोटीसँग सम्बन्ध विच्छेद भएको एक दशकपछि उनले दोस्रो विवाह गरेकी हुन् ।

हरिवंश आचार्य

हास्यकलाकार हरिवंश आचार्यले पनि दोस्रो पत्नीको रुपमा रमिला पाठक भित्र्याएका थिए । पहिलो पत्नी मीराको निधनको केही समय एकल जीवन बिताएका उनले बाँकी जीवनको सहयात्रीको रुपमा रमिलालाई भित्र्याएका हुन् ।

मनोज गजुरेल

हास्यकलाकार मनोज गजुरेलले पनि न्याय सेवाकी अधिकृत मञ्जु पोखरेललाई दोस्रो पत्नीको रुपमा भित्र्याएका छन् । केही अगाडि उनले अर्को विवाह गरेको सार्वजनिक गरेका थिए । गजुरेलको पहिलो विवाह मीना ढकालसँग भएको थियो ।डिभोर्स गरेको केही समयपछि उनले मञ्जुलाई भित्र्याएका हुन् ।

निखिल उप्रेती-सञ्चिता लुइँटेल :

निखिल उप्रेती र अभिनेत्री सञ्चिता लुइटेलको विवाह पनि दुबैका लागि दोस्रो हो । निखिलले सञ्चिता भन्दा अघि कोपिला उप्रेतीसँग विवाह गरेका थिए भने सञ्चिताले आकाश शाहसँग । निखिलले पहिलो पत्नीलाई डिभोर्स नदिँदै सञ्चितालाई भित्र्याएका थिए भने सञ्चिताले आकाशलाई छोडेर निखिल रोजेकी थिइन् ।

भुवन केसी

अभिनेता भुवन कसीले पनि दोस्रो पत्नीको रुपमा सुस्मिता बोमजन भित्र्याएका थिए । अभिनेता अनमोल केसी बोमजनसँगको छोरा हुन् । भुवनको बोमजनसँग पनि डिभोर्स भैसकेको छ । भुवन अभिनेत्री जिया केसीसँगक लिभिङ टुगेदरमा रहदै आएका छन् ।

शिल्पा पोखरेल

अभिनेत्री पोखरेलको पनि निर्माता छविराज ओझासँग दोस्रो विवाह हो । उनले यस अगाडि पनि एक बिसी थरका भिडियो सम्पादक तथा निर्देशकसँग विवाह गरेकी थिइन् । शिल्पा अहिले भने छविसँग छुट्टिएर एक्लै छन् ।

पूजा चन्द

अभिनेत्री पूजा चन्दले दोस्रो विवाह अमेरिकामा बसोबास गरिरहेका गायक राजु लामासँग गरेकी छन् । निर्देशक सुरज चन्दसँग पहिलो विवाह गरेर अमेरिका हानिएकी उनले सुरजसँग डिभोर्सपछि लामासँग अमेरिकामै विवाह गरेकी हुन् । सुरज तिरबाट जन्मिएकी छोरीलाई पनि उनले सँगै अमेरिकामा राखेकी छन् ।

सिम्पल खनाल

मोडल अभिनेत्री सिम्पल खनालले म्यूजिक भिडियो निर्देशक प्रशन्न पौड्यालसँग पहिलो विवाह गरेकी थिइन् तर उक्त विवाह लामो समय टिक्न सकेन । डिभोर्स गरेर उनले भारतीय मूलका व्यापारी नदिनलाई नयाँ जीवन साथी रोजेकी छन् ।

शिव श्रेष्ठ

अभिनेता श्रेष्ठले पनि दुई विवाह गरेका छन् । पहिलो पटक २०२८ मा गंगादेवी श्रेष्ठसँग विवाह गरेका उनले गंगादेवीसँगको दाम्पत्य जीवन असफल भएपछि चितवनकी सिर्जना श्रेष्ठसँग दोस्रो विवाह गरेका थिए । पहिलो विवाहबाट चार छोरी, एक छोरा भएका शिवको दोस्री श्रीमतीबाट पनि एक छोरा छन् ।

रेखा थापा

रेखाले पनि हालै दोस्रो बिवाह गरेकी छन् । निर्माता छविराज ओझासँग १० बर्षअघि डिभोर्स गरेकी उनले केहि दिन अघि जाजरकोटका बलराम शाही ठकुरीसँग दोस्रो बिहे गरेकी हुन् ।

यसबाहेक निर्माता छविराज ओझा, निर्देशक श्याम भट्टराई, मोडल/निर्देशक शकंर बिसी, कलाकार पवन मैनाली, निर्माता निकिता पौडेललगायत थुप्रै सेलिब्रेटीले दोस्रो विवाह गरेर जीवन अघि बढाएका छन् ।