नेकपा माओवादी केन्द्रका अध्यक्ष पुष्पकमल दाहाल प्रचण्डले भरतपुरको चुनावी सभामा जय नेपाल भन्दै अभिवादन गरेका छन् ।

बिहीबार भरतपुरमा सत्ता गठबन्धनको चुनावी सभामा रुख र हँसिया हथौडाको सम्बन्ध निकै लामो रहेको बताउँदै उनले भने, ’जय नेपाल र लालसलामको सम्बन्ध निकै लामो छ । हामी एक ठाउँमा नभएसम्म तानाशाही पराजित हुन सकेन । हामीले पञ्चायतविरुद्ध लड्ने कदमदेखि नै सहकार्य गरेको हो ।’

विज्ञापन

भरतपुमा हँसिया हथौडामा मतदान गर्न नसक्ने बताउँदै बागी उम्मेदवार दिएका जगन्नाथ पौडेललाई लक्षित गर्दै उनले भने, ‘पञ्चायतविरुद्ध लड्न सहकार्य, शान्ति सम्झौता र संविधान निर्माणदेखि संविधान बचाउन हँसिया हथौडा र रुखबीचको सहकार्य के गलत थियो ?’

विज्ञापन

आफूले विगतमा का‌ंग्रेससँगको गठबन्धन तोड्दा कांग्रेस सभापति शेरबहादुर देउवालाई जानकारी गराएर एमालेसँग गठबन्धन गरेको प्रचण्डले बताए ।