एअरपोर्टमा वर्षमान र रेखासँग जम्काभेट भएपछि बाबुरामले भने– नलाऊ माया दुई तिर..’
काठमाडौँ । त्रिभुवन अन्तर्राष्ट्रिय विमानस्थलमा नेकपा माओवादी केन्द्रका नेता वर्षमान पुनसँग सो पार्टीका पूर्व नेता डा. बाबुराम भट्टराई र रेखा थापाको जम्काभेट भएको छ ।
एकताका पार्टीमा सँगै रहेका तीन नेताको विमानस्थलमा जम्काभेट भएको हो ।
विज्ञापन
जसपा नेपालका संघीय परिषद् अध्यक्ष डा. बाबुराम भट्टराईले जम्काभेट भएको फोटो सामाजिक सञ्जालमा सार्वजनिक गर्दै अहिले तीनतिर भएको बताएका छन् ।
विज्ञापन
‘एअरपोर्टमा पुराना माओवादी सहकर्मीहरू वर्षमान पुन र रेखा थापासँग जम्काभेट !, नलाऊ माया दुई तिर भनेर गीत गाउनेहरू तीनतिर पो भइयो भन्ने हाँसो पनि चल्यो !,’ उनले भनेका छन् ।
स्थानिय निर्वाचन नजिकिएसँगै बिभिन्न राजनीतिक दलका शिर्ष नेताहरु बिभिन्न जिल्लाहरुमा चुनावी प्रचारमा सहभागि हुन् हवाई यात्रा गर्ने गरेका छन् । त्यसै क्रममा उनीहरुको जम्काभेट त्रिभुवन अन्राष्ट्रिय विमानस्थलमा हुने गरेको छ ।
चर्चामा
सम्बन्धित समाचार
फेसबुक प्रतिक्रियाहरु