चितवन । कलेज अफ मेडिकल साईन्सेस शिक्षण अस्पताल (पुरानो मेडिकल कलेज) भरतपुरमा निःशुल्क दन्त शिविर हुने भएको छ । विश्व मुख स्वास्थ्य दिवस (ओरल हेल्थ डे) को अवसर पारेर भोलि आईतबार शिविर आयोजना गरिएको हो ।

शिविर अस्पतालको दन्त रोग भवनमा नै हुनेछ । डेण्टल विभागमा अध्यनरत विद्यार्थी किषनजङ्ग कुँवरले दिएको जानकारी अनुसार बिहान ९ बजेबाट साँझ ५ बजेसम्म शिविर संचालन गरिने छ । शिविरमा ओपिडि टिकट, दाँत निकाल्ने, दाँतको सामान्य भराई, परामर्श निःशुल्क दिईने छ भने अन्य सेवाहरुमा १० प्रतिशतको छुटको व्यवस्था रहेको कुँवरले जानकारी दिनुभयो ।

विज्ञापन

अस्पतालले विभिन्न अवसरमा अस्पताल तथा समुदायमा पुगेर शिविरहरु संचालन गर्दै आएको छ । दिवसको अवसरमा आईतबार बिहान जनचेतनामूलक ¥याली समेत आयोजना गरिएको छ ।

विज्ञापन