म ‘बाहुन’ भएर होइन, क्रान्तिकारी भएर मर्न चाहान्छु : प्रचण्ड
काठमाडौँ ।
नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले १० वर्षे जनयुद्धमा दलित समुदायको मुद्दा उठाएकै कारण अन्य पार्टीका नेताहरुले आफुलाई ‘दलित’को व्यबहार गर्ने गरेको बताएका छन् । नेपाल दलित मुक्ति मोर्चा, केन्द्रीय समितिको पूर्ण बैठकलाई आज संम्बोधन गर्दै अध्यक्ष प्रचण्डले आफु ब्राम्हण समुदायको भए पनि क्रान्तिकारी भएरै मर्ने चाहना भएको बताए ।
विज्ञापन
१० वर्षे जनयुद्ध उत्पीडन र बिभेदमा पारिएका समुदायको आन्दोलन भएको बताउँदै अध्यक्ष प्रचण्डले त्यसको नेतृत्व गरेको हुँदा आफुलाई आन्दोलन र वर्ग संघर्षले नेता बनाएको उल्लेख गरे । उनले भने, ‘सम्पूर्ण दलित र उत्पीडित वर्ग समुदायको मुक्तिका लागि लढेको कारण अरु पार्टीहरुले मलाई दलित ठानेर छुवाछुत गर्छन् । तर, प्रचण्ड क्रान्ति र वर्ग संघर्षले बनाएको हो, म क्रान्तिबाट टाढा छैन ।’
विज्ञापन
कांग्रेस एमाले लगायतका पार्टीले माओवादीलाई जनयुद्धमा जस्तै घेराबन्दीमा परेको भन्दै अध्यक्ष प्रचण्डले त्यसका बिरुद्ध सम्पूर्ण माओवादीहरु एक हुनु पर्ने बताए । केपी ओलीले पटक पटक संसद बिगठन गर्नु माआवादी पार्टीलाई सिद्ध्याउने खेल भएको उनको तर्क छ ।
पूर्व माओवादी लगायत क्रान्तिकारी बिचार राख्नेहरुबीचको एकताको प्रसंग उल्लेख गर्दै अध्यक्ष प्रचण्डले भने, ?‘अचेल, मेरो मोहन बिक्रम सिंहसंग माया प्रीति बस्न थालेको छ । मोहन बैद्य जिसंग कुरा हुन्छ, बाबुराम जि, उपेन्द्र जिसंग पनि कुराकानी हुन थालेको छ । बिप्लव जि पनि नजिक हुनु भएको छ ।’ सबै माओवादी एक भई मिल्नुको बिकल्प नभएको उनको भनाई छ ।
पछिल्लो समय माओवादी पार्टीमा बिचलन आएको उल्लेख गर्दै अध्यक्ष प्रचण्डले पद, पैसा, लोभ र लालचमा फसेकाहरुले पार्टीलाई यो अवस्थामा पुर्याएको बताए । माओवादी पार्टी दुध उम्लिएको जस्तो भएको प्रसंग उल्लेख गर्दै उनले भने, ‘जनयुद्धताकाका मुद्धालाई समात्न सकेको खण्डमा माओवादीले फेरि जित्न सक्छ । हामी २०६४ कै अवस्थामा फर्किन सक्छौँ ।’ माओवादी पार्टी लरो–तरो पार्टी नभएको उनको भनाई छ ।
कैयौँ पटक आफुमाथि आक्रमण हुन खोजेको भन्दै नेता प्रचण्डले पार्टीका कार्यकर्ता र सेक्युरिटका कारण रौँ–रौँले बाँचेको बताए ।
चर्चामा
सम्बन्धित समाचार
फेसबुक प्रतिक्रियाहरु