जनकपुर । सप्ताहव्यापी विवाहपञ्चमी महोत्सवको मुख्य दिन  भगवान रामजानकीको स्वयम्बर सम्पन्न भएको छ ।

विज्ञापन

जानकी मन्दिर तथा राम मन्दिरको डोला रंगभूमि मैदानमा पुगेर स्वयम्बर विधि सम्पन्न भएको हो ।

विज्ञापन

राम मन्दिरको डोला मन्दिरका महन्थ राम गिरीको नेतृत्वमा दर्जनौँ सवारी साधन र बाजागाजाका साथ निस्केको थियो भने जानकी मन्दिरको डोलाको नेतृत्व उत्तराधिकारी महन्थ रामरोशन दास वैष्णवले गरेका थिए ।

रंगभूमी मैदान पुगेको डोला परिक्रमा गरेपछि रामजानकीको स्वयम्बर सम्पन्न भएको हो । स्वयम्बरको समयमा हेलिकप्टरबाट पुष्पवृष्टि समेत गरिएको थियो ।