सुदीप थापा ।
चितवन । चितवनमा सञ्चालित सबै इट्टा उद्योगहरु १ वर्षदेखि पूर्ण रुपमा बन्द भएका छन् । इट्टा उघोग बन्द हुँदा
उघोगीहरु अन्य व्यवसायमा हात हालेका छन् । यसमा आश्रित करिब ५ हजार जनाले रोजगारी गुमाएका छन् । चितवन इट्टा उद्योग संघका अध्यक्ष नारायण सापकोटाले बन्द भएका उद्योग पुन: सञ्चालनमा आउने सम्भावना न्युन रहेको बताउनुभयो ।

अध्यक्ष सापकोटाका अनुसार ३० वर्षअघि ४४ वटा उघोग सञचालनमा थिए भने १ वर्षअघिसम्म १८ वटा सञ्चालनमा थिए ।
विभिन्न प्राविधिक समस्याका कारण उद्योगहरु बन्द हुने अवस्थामा पुगेको अध्यक्ष सापकोटा बताउनुहुन्छ।
बढ्दो सहरीकरण, माटोको अभाव, माटो आयात गर्न र निकाल्न कानुनी जटिलता, अस्वस्थ प्रतिस्पर्धालगायतका कारणले इट्टा उद्योग बन्द भएको व्यवसायीहरु बताउछन् ।

विज्ञापन

यहाँ उत्पादित इट्टा गोरखा, कास्की, तनहुँ, बाग्लुङ, बेनीलगायतका जिल्लामा निर्यात हुने गर्दथ्यो ।

विज्ञापन

पछिल्लो समय परम्परागत माटो पकाएर तयार पारिने इट्टाबाहेक ‘होलो कंक्रिट ब्लक, लाइट वेट ब्रिक र कम्प्रेस्ड प्रविधिमा आधारित इट्टा प्रयोग गर्नेको संख्या बढेको छ।
सस्तो, कम समय धेरै काम गर्न सकिने, पानी तथा ध्वनी प्रतिरोधात्मक, वातावरणमैत्री जस्ता विशेषता भएकाले यसतर्फ आकर्षण बढ्दै गएको व्यापारीहरु बताउँछन्।