चितवन । इच्छाकामना गाउँपालिका–५ मुग्लिनस्थित गोरखा होटल एण्ड लजमा मंगलबार एक पुरूष मृत फेला परेका छन् । सोमबार साँझ ६ बजे अन्दाजी ३५ वर्षीया एक महिला र एक पुरूष उक्त होटलमा बास बस्न गएका थिए ।
महिलासँगै होटलमा बास बस्न गएका ती पुरूष मंगलबार बिहान ९ः४५ बजे मृत अवस्थामा फेला परेको जिल्ला प्रहरी कार्यालय चितवनका प्रवक्ता विजयराज पण्डितले जानकारी दिए ।
महिला भने फरार भएकाले उनको खोजी कार्य जारी रहेको उनले बताए । पण्डितका अनुसार मृतक पुरूषको पहिचान खुलेको छैन ।

विज्ञापन