गाँजा खेती विधेयक अगाडि नबढाएकोमा तामाङको गुनासो: मेरो अधिकार हनन् भयो, खोज्न कहाँ जाउँ ?
नेकपा एमालेका सांसद एवं पूर्वमन्त्री शेरबहादुर तामाङले गाँजा खेती नियमन गर्ने विधेयक अगाडि नबढाउँदा एक सांसदको अधिकार हनन् भएको बताएका छन् ।
उनले विधेयकलाई तत्काल छलफलमा ल्याउन माग गरेका छन् ।
विज्ञापन
बिहीवार बसेको प्रतिनिधिसभा बैठकको विशेष समयमा एमाले सांसद तामाङले गाँजा खेतीलाई नियमन गर्ने विधेयक तत्काल अगाडि बढाउन सभामुखसँग आग्रह गरेका हुन् ।
विज्ञापन
‘२०७६ साल फागुनमा गाँजा खेतीलाई नियमन गर्न बनेको विधेयक ल्याएको भए पनि २ वर्ष ५ महिना पूरा हुँदा समेत छलफलमा ल्याइएन,’ तामाङले भने, ‘एक जनप्रतिनिधिको आवाज सुनुवाइ हुँदैन, भन्न म कहाँ जाउँ ?’
पूर्व कानूनमन्त्री तामाङले गाँजा खेती वैधानिक भएमा विदेशमा काम गर्न गएका युवाहरू फर्किने अवस्था आउने बताए । ‘नेपाली युवाहरू आकाशबाट जाने र बाकसमा आउने क्रम कहिलेसम्म चल्ने ? पैसा कमाउन विदेश जाने होइन, पैसा बुझाउन विदेशी आउने गाँजा खेतीलाई नियमन गर्ने विधेयकलाई तत्काल छलफलमा ल्याइयोस् भनेर माग गर्न चाहन्छु,’ तामाङले भने ।
चर्चामा
सम्बन्धित समाचार
फेसबुक प्रतिक्रियाहरु