भरतपुर।
माडी नगरपालिकाको ९ वडामध्ये २ वडाको मतगणना सकिएको छ । वडा नम्बर १ मा राप्रपाबाट वडाध्यक्षमा अमित लामा निर्वाचित हुनुभएको छ । उहाँ २०७४ को चुनावमा वडा सदस्यमा निर्वाचित हुनुभएको थियो । माडी वडा नम्बर १ मा राप्रपाले एक सदस्यबाहेक सबै पदमा जितेको छ । राप्रपाबाट सदस्यमा निर्वाचित हुनेहरुमा महिला सदस्यमा अप्सरा सुवेदी, दलित महिला सदस्य गुना धमला लोहार, खुल्ला सदस्यमा दिपेन्द्र महतो हुनुहुन्छ । यस्तै कांग्रेसका तर्फबाट खुल्ला सदस्यमा जय नारायण लामिछाने निर्वाचित हुनुभएको छ ।

यस्तै माडी वडा नम्बर ९ मा माओवादी केन्द्रबाट वडाध्यक्षमा घनश्याम दवाडी निर्वाचित हुनुभएको छ। २०७४ मा उहाँ वडा सदस्य हुनुहुन्थ्यो । ९ नम्बर वडामा सत्तागठबन्धनको सेटनै निर्वाचित भएको छ । महिला सदस्यमा काँग्रेसकी विना थापा, दलित सदस्यमा माओवादी केन्द्रका हरिमाया विक, खुल्ला सदस्यमा काँग्रेसका नारायणदत्त अधिकारी, मोहन सिंह स्याङतान निर्वाचित हुनुभएको छ ।

विज्ञापन

विज्ञापन