प्रधानमन्त्री शेरबहादुर देउवाले चितवनको भरतपुरमा पाँच दलीय गठबन्धनको विपक्षमा बोल्नेहरूले हावा खाइसकेको बताएका छन्।

जनकपुरमा आयोजित पाँच दलीय गठबन्धनको सभालाई शनिबार सम्बोधनका क्रममा देउवाले यसो भनेका हुन्।

विज्ञापन

उनले लोकतन्त्रको रक्षाका लागि गठबन्धनका साझा उम्मेदवारलाई अत्यधिक मतले विजयी गराउन पनि अपिल गरे।

विज्ञापन

‘देशभर गठबन्धनको पक्षमा माहोल छ। चितवनमा गठबन्धनको विपक्षमा पनि बोल्नेहरू हावा खाइसके’, उनले भने, ‘अब झण्डा बोकेर हिँड्छन्, कुनै समस्या छैन।

उनले सम्बोधनका क्रममा सत्ता गठबन्धनविरुद्ध उम्मेदवारी दिने र बोल्नेको लागि पार्टीमा कुनै स्थान नरहेको पनि बताए। तिनीहरु सबैलाई पार्टीले कारबाही गरेर निकाल्ने पनि उनले घोषणा गरे।

देउवाले मधेशबासीलाई फकाउने क्रममा अब नागरिकताको पनि समस्या समाधान हुने बताए। ‘लामो समयदेखि नागरिताबिना नागरिक हुनु कति ठूलो समस्या हो?’, उनले भने।

आमाबुबाले नागरिकता पाइसके पनि छोराछोरीले अझै पाउन नसकेका उनले बताए। ‘कति दु:खद कुरा! अब जसरी हुन्छ नागरिकताको समस्या समाधान गर्छु’, देउवाले अगाडि भने।