चितवन : नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल प्रचण्डले भोलीसम्म चुनावी तालमेल टुंगोमा पुग्ने बताउनुभएको छ । भरतपुर विमानस्थलमा पत्रकारहरुसँग संक्षिप्त कुराकानी गर्दै उहाँले समस्या विनानै तालमेलको टुंगो हुने दावी गर्नुभयो । उहाँले भरतपुर महानगरको नेतृत्व कसले लिने भन्नेबारे विवाद नरहेको जीकिर गर्नुभयो ।

चुनावका बेला एउटै पार्टीभित्र विवाद हुन्छ, बहस हुन्छ भन्नुभयो, गठबन्धनमा पनि छलफल हुनु स्वभाविक हो, लाष्टमा टुंगिन्छ । उहाँले महानगरको नेतृत्व चयन आरामले हुने दावी गर्नुभयो । उहाँले महानगर र उपमहानगरको नेतृत्वबारे आज बेलुकासम्म सिफारिस गर्ने तयारी भएको बताउनुभयो । चुनावी तालमेलबारे स्थानीय तहमा विवाद रहेपनि अन्त्यमा ती सबै विवाद समाधान हुने जीकिर गर्नुभयो । उहाँले दिउसो नवलपरासीको दलदलेमा पार्टीको प्रशिक्षण कार्यक्रमलाई सम्बोधन गर्नुहुने जनाइएको छ ।

विज्ञापन

विज्ञापन