राजेन्द्र खड्गीले ‘सेभेन भिलेन’ बनाउने, शोभितले निर्देशन गर्ने
एक समय नेपाली फिल्ममा भिलेनको भूमिकामा एकछत्र हालीमुहाली गरेका राजेन्द्र खड्गीले आफ्नो करिअरमा दुई सयभन्दा बढी फिल्ममा अभिनयसँगै द्वन्द्व निर्देशकको रुपमा काम गरे । तर, विगत ७/८ वर्षयता भने उनी अभिनयमा सक्रिय छैनन् । करिअरको उचाइँमा रहँँदा केही फिल्मको निर्माण तथा निर्देशक समेत गरेका खड्गी लामो समयपछि फिल्म निर्माणमा फर्किने भएका छन् ।
उनले ‘सेभेन भिलेन’ नाममा फिल्म बनाउन लागेका हुन् । बैशाख अन्तिमबाट छायांकन सुरु गर्न लागिएको फिल्मको निर्देशनको जिम्मेवारी शोभित बस्नेतले पाएका छन् । सात जना भिलेनको कथामा निर्माण हुने फिल्ममा दर्शकले भिलेनको चरित्रमा रुचाएका कलाकारहरुको अभिनय रहने निर्देशक बस्नेतले जानकारी दिए । फिल्मका लागि केही कलाकारहरु फाइनल भइसकेका छन् ।
विज्ञापन
फिल्ममा भिलेनको भूमिकाका लागि राजेन्द्र खड्गी, सुनील थापा, डिनेश डिसी, सम्राट सापकोटा फाइनल भएका छन् भने बाँकी तीन जना कलाकार केही दिनमा छनोट हुने निर्देशक बस्नेतले बताए । फिल्ममा हिरोको रुपमा एक जना चर्चित नायकको पनि अभिनय रहने उनले जानकारी दिए । एक्सन जनरामा निर्माण हुने फिल्मको यतिबेला स्क्रिप्टमा काम भइरहेको उनको भनाई छ ।
विज्ञापन
‘सेभेन भिलेन’भन्दा अगाडि निर्देशक बस्नेत ‘हाम्रो स्वर्ग’ नामक फिल्मको पहिलो सेड्युलको छायांकन सक्ने तयारीमा छन् । उनले भने, ‘यो फिल्मको दुई सेड्युलमा छायांकन हुन्छ । पहिलो सेड्युलमा लाली गुराँस फूल्ने सिजनको सिन खिचेपछि दोस्रो सेड्युलको छायांकन भने यार्सागुम्बा टिप्ने सिजनमा गर्नेछौं । पहिलो सेड्युलपछि ‘सेभेन भिलेन’को छायांकन सुरु गर्ने योजना बनाएको छु ।’
चर्चामा
सम्बन्धित समाचार
फेसबुक प्रतिक्रियाहरु