काठमाडौं।

अर्थमन्त्री एवं माओवादी केन्द्रका नेता जनार्दन शर्मा वर्षमान पुन ‘अनन्त’लाई भेट्न उनको निवासमा पुगेका छन्। नेकपा माओवादी केन्द्रका नेता वर्षमान पुन चीनमा उपचार गरेर सोमबार स्वदेश फर्किएपछि अर्थमन्त्री शर्मा बुधवार भेट गर्न पुनको निवास पुगेको पुनको सचिवालयले जनाएको छ।

विज्ञापन

भेटपछि शर्माले पुनलाई स्वास्थ्यलाभको कामना गरेका छन्। नेता पुन चीनको सेनजेनस्थित थर्ड पिपुल्स अस्पतालमा उपचार गरेर माघ १० गते स्वदेश फर्किएका हुन्। माओवादी केन्द्रमा शर्मा र पुन दुवै महासचिव पदको आकांक्षी छन्।

विज्ञापन

वंशाणुगत जण्डिसका बिरामी पुन जावलाखेलस्थित सुमेरु अस्पतालमा उपचार सम्भव नभएपछि चिकित्सकको परामर्शमा गत असोज १३ गते थाइल्याण्डको राजधानी बैंकक गएका थिए। बैंककस्थित समितिभेज अस्पतालमा दुई महिना उपचार गराउँदासमेत स्वास्थ्यमा सन्तोषजनक सुधार नभएपछि मंसिर १० गते चीन लगिएको थियो।