तीनै तहको चुनावमा पाँच दलीय गठबन्धन मिल्छ : माधव नेपाल
काठमाडौं ।
नेकपा (एकीकृत समाजवादी) का अध्यक्ष माधवकुमार नेपालले आगामी हुने तीनै तहको चुनावमा पाँच दलीय गठबन्धन मिलेर जाने बताएका छन् ।
विज्ञापन
मंगलबार रामेछापका युवाहरूलाई पार्टीमा प्रवेश गराउदै अध्यक्ष नेपालले आगामी २०७९ चैतभित्र हुने तीनै तहको चुनावमा पाँच दल मिलेर जाने बताएका हुन् ।
विज्ञापन
अध्यक्ष नेपालले चुनाव चैत वा वैशाखमा हुन सक्नेबारे बहस भइरहेको पनि बताएका छन् । उनका अनुसार संविधानमा ०७९ को चैतसम्म तीनै तहको निर्वाचन हुनुपर्छ ।
उनले भने, ‘पाँच दल मिलेर चुनावमा जान्छौं । कात्तिक, मंसिरतिर केन्द्र, प्रदेश र स्थानीय तहको चुनावमा जान सकिन्छ।’
अध्यक्ष नेपालले प्रमुख प्रतिपक्षी दल नेकपा एमालेबाट आशा गर्ने ठाउँ नरहेको पनि बताएका छन् । ‘प्रतिपक्षबाट आशा गर्ने ठाउँ रहेन । हामी लोकतन्त्र जोगाउन, संविधानको रक्षा गर्न, गणतन्त्र बलियो बनाउन र विकासको नयाँ अभियान अगाडि बढाउन चाहेका छौं।’
चर्चामा
सम्बन्धित समाचार
फेसबुक प्रतिक्रियाहरु