देउवाबाट ‘धोका’ खाएपछि ओलीसँग गुहार माग्दै ‘नक्कली ज्वाईं’ बतास
यतिबेला चौतर्फी विवादमा तानिएका बतास समूहका प्रमुख आनन्द बतासले एमाले अध्यक्ष केपी शर्मा ओलीको दैलो ढक्ढक्याउन पुगेका छन् ।
स्रोतका अनुसार उनले ओलीलाई फोन गरेर सहयोग गरिदिन आग्रह गरेका हुन् । बतासले आफूले निकै लामो समयदेखि राजनीतिक दलहरूलाई सहयोग गरेको भएपनि अन्तिममा आएर सबैले आफ्नो खेदो खनेको भन्दै गुनासो पोखेका थिए ।
विज्ञापन
ओली र बतासबीच कुराकानी भएको बालकोट स्रोतले पुष्टि गरेको छ ।
विज्ञापन
‘आनन्द बतास र ओलीबीच टेलिफोनमा कुराकानी भएको छ, एउटा पार्टीको अध्यक्ष र अर्को व्यवसायी भएका नाताले फोनमा कुराकानी हुनु सामान्य हो,’ स्रोतले भन्यो ।
केही दिन अघि एक निजी टेलिभिजनले गरेको स्टिङ अपरेशनका क्रममा बतासले आफूलाई ओलीले ज्वाईं भन्ने गरेको खुलासा गरेका थिए ।
त्यसको प्रतिवाद गर्दै ओलीले एक सार्वजनिक कार्यक्रममा सरकारले नक्कली ज्वाईं खडा गरेर भ्रष्टाचार गरेको आरोप लगाएका थिए ।
नारायणहिटी संग्रहालयभित्र रेस्टुरेन्ट संचालनको जिम्मा ओली सरकारले नै बतास समूहलाई दिएको थियो । त्यो मात्र नभएर ओली सरकारले अन्य धेरै सार्वजनिक र ऐतिहासिक ठाउँ बतास समूहलाई भाडामा दिने निर्णय गरेको थियो ।
बतास निकै लामो समयदेखि कांग्रेस सभापतिसमेत रहेका प्रधानमन्त्री शेरबहादुर देउवासँग नजिक रहेको उनले नै स्वीकारेका छन् ।
तर नारायणहिटी लगायत अन्य धेरै प्रकरणमा मुछिएपछि बतासले देउवाको सहयोगसमेत मागेका थिए । तर देउवाले अन्तिम समयमा बतासलाई धोका दिएको चर्चा चलेको छ ।
म केपी ओलीको पनि ज्वाईं हो भनेका बतासलाई एक कार्यक्रममा ओलीले नक्कली ज्वाईंको संज्ञा दिएका थिए । ओलीले आफ्ना छोरीहरू देशैभर भएकाले सबै ज्वाईं भएको बताएका थिए । त्यतिमात्र होइन ओलीले सरकारले आफ्नो भ्रष्टाचार छोप्न नक्कली ज्वाईं खडा गरेको आरोप समेत लगाएका थिए ।
चर्चामा
सम्बन्धित समाचार
फेसबुक प्रतिक्रियाहरु