काठमाडौं।

नेकपा एमालेका अध्यक्ष केपी शर्मा ओलीले नेकपा एमालेले एक्लै चुनौती सामना गर्ने बताएका छन्। शुक्रबार एमालेको जिल्ला अधिवेशनलाई भर्चुअल माध्यमबाट सम्बोधन गर्दै ओलीले कमजोर भएकाहरू नै गठबन्धन निर्वाचनसम्मै जानुपर्छ भनेर कराइरहेको बताएका हुन्।

विज्ञापन

उनले एमालेलाई गठबन्धन नचाहिएको बताए। ओलीले भने,‘जो जति कमजोर छ त्यो त्यति चर्को गरी कराइरहेको छ। गठबन्धन निर्वाचनसम्मै जानुपर्छ भनेर। जो जति कमजोर छ उसलाई गठबन्धन त्यति बढ्दा चाहिएको छ।’

विज्ञापन

ओलीले अघि भने, ‘नेकपा एमालेलाई गठबन्धन चाहिएको छैन। नेकपा एमाले एक्लै चुनौतीहरूको सामना गर्नसक्छ। नेकपा एमाले देशका निम्ति खटेको, जनताको सेवाको निम्ति समर्पित, जनताको निम्ति काम गर्दै आएको विकासप्रेमी पार्टी हो।’ ओलीले राष्ट्रियसभाको निर्वाचन एमालेमाथिको अन्तिम प्रहार हुने समेत बताए।