भोलि मंसिर २४ गते काठमाडौंमा सुरु हुने कांग्रेसको १४आौं महाधिवेशनका लागि आआफ्ना समूहबाट उम्मेदवारी घोषणा गर्ने क्रम चलिरहेका बेला नेता कृष्णप्रसाद सिटौलाले पनि छुट्टै प्यानल घोषणा गर्ने तयारी गरेका छन्।

आज (बिहीबार) बिहान सिटौलानिकट नेताले  गरेकाे दाबीअनुसार सभापति पदमा सिटौला, महामन्त्रीमा प्रदीप पौडेलले उम्मेदवार बन्नेगरी आज प्यानलै घोषणा गर्ने तयारी गरिएको हो।

विज्ञापन

‘हाम्रोतर्फबाट प्यानलै घोषणा गर्ने तयारी छ’, उनले भने, ‘दिउँसो पत्रकार सम्मेलन राखिएको छ।’

विज्ञापन

नेविसंघका महामन्त्री बलदेव तिमिल्सिनाले पनि आज दिउँसो ३ बजे विश्वास कम्प्लेक्स (गौशाला) मा भेला आयोजना गरिने जानकारी दिए। तर उनले प्यानल घोषणा हुन पनि सक्ने, नहुन पनि सक्ने बताएका छन्।

‘हाम्रो भेला हो। अहिले नै प्यानल घोषणा भन्ने छैन। तर त्यो हुन पनि सक्छ’, उनले  भने, ‘हामी छुट्टै जाने भन्ने नै हो।’

सिटौलानिकट अर्का नेताले चाहिँ आज बस्ने कांग्रेस केन्द्रीय समितिको बैठकमा उम्मेदवारीबारे सहमति जुटाउने सक्दो प्रयास गरिने तर सहमति भएन भने नेता सिटौलाले छुट्टै प्यानल घोषणा गर्ने तयारी रहेको बताए।

‘आज बिहान साढे ११ बजे केन्द्रीय समितिको बैठक बस्दैछ, त्यहाँ पदाधिकारीलगायत विषयमा छलफल हुन्छ’, ती नेताले  भने, ‘सहमति भयो भने भइहाल्यो, कृष्ण दाइ लागिरहनुभएको छ, नत्र छुट्टै टिम घोषणा हुन्छ।’