स्थानीय तहको निर्वाचनमा नेकपा एमालेबाट निर्वाचित मोरङको सुनवर्षी नगरपालिका–८ का वडा अध्यक्ष माओवादी केन्द्रको उपाध्यक्ष निर्वाचित भएका छन् । नुरुल मियाँ माओवादी केन्द्रमा प्रवेश गरेर उपाध्यक्ष निर्वाचित भएका हुन् ।

विज्ञापन

सुनवर्षीमा अध्यक्ष जयन्त दासको अध्यक्षतामा माओवादी केन्द्रको पालिका कमिटी शनिबारको अधिवेशनले निर्वाचित गरेको मोरङका संयोजक गणेश उप्रेतीले जानकारी दिए । उप्रेती सुनवर्षीको अधिवेशन गराउने प्रतिनिधि तोकिएका थिए ।

विज्ञापन

यसैगरी मोरङका १६ वटा स्थानीय पालिकामा शनिबार एकैदिन अधिवेशन गरेको माओवादी केन्द्रले रंगेली र सुनवर्षीको नेतृत्व चयन टुङ्ग्याएको हो । रंगेलीमा श्री अधिकारीको अध्यक्षतामा कमिटी निर्वाचित भएको छ।