कांग्रेसको पहिलो महिला सभापति बनेर इतिहास रच्ने सुजता कोइरालाको तयारी !
काठमाडौं।
नेपाली कांग्रेसको आगामी १४औं महाधिवेशनमा नेतृ सुजाता कोइरालाले पनि सभापतिको उम्मेद्धवारी दिने भएकी छिन् ।
विज्ञापन
संक्षिप्त कुराकानीमा उनले आफूले यही मंसिर ६ गतेपछि पत्रकार सम्मेलन गरेर सभापतिको उम्मेद्धवारी घोषणा गर्ने जानकारी दिईन् ।
विज्ञापन
उनले भनिन्,‘म सभापतिमा उम्मेद्धवारी दिन्छु, ब्याक हुने कुरै छैन् । शशांक र शेखर जो उठेपनि म ब्याक हुन्नँ, मैले सबै तयारी गरिसकेको छु, अब अघि बढ्छु ।
उनले देशभरिका नेतारकार्यकर्ताले आफूलाई पार्टीको नेतृत्वमा आउनको लागि दबाब दिएको र कार्यकर्ताहरुको भावनालाई कदर गर्दै सभापतिमा उठ्न लागेको बताईन् ।
उनले कांग्रेसमा गिरिजाबाबुको लिगेसी आफूले मात्रै बोकेको भन्दै त्यसको लागि पनि आफू नेतृत्वमा आउन चाहेको धारणा राखिन् ।
उनले कांग्रेसजस्तो यति लामो इतिहास बोकेको पार्टीमा अहिलेसम्म महिला सभापति नभएको भन्दै आफूले सभापतिमा विजयी भएर पहिलो महिला सभापतिको इतिहास बनाउने पनि दाबी गरिन् ।
पछिल्लो समय कोइराला परिवारबाट जो उठेपनि एक जना सहमतिमै उठ्ने चर्चा चलेको थियो ।
तर, शेखर र शशांक दुवैले आ–आफ्नो दाबी प्रस्तुत गरेपछि सुजाता भने सभापतिको रेसबाट अब ब्याक नहट्ने भएकी हुन् ।
उनले पार्टीमा गुटबन्दी धेरै मौलाएको र नेताहरु कार्यकर्तामुखी नभएको भन्दै आफूले त्यो खाडल चिर्ने पनि दाबी गरेकी छिन् ।
चर्चामा
सम्बन्धित समाचार
फेसबुक प्रतिक्रियाहरु