देउवा सरकारले गर्यो ठूल्ठूला यी ५ निर्णय, देशैभर प्रहरी, किसानदेखि गरीब जनतालाई फाइदा
काठमाडौं ।
प्रधानमन्त्री शेरबहादुर देउवा नेतृत्वको सरकारको मन्त्रिपरिषद्को बैठकले देशैभर प्रभाव पर्ने गरी ठूल्ठूला निर्णय गरेको छ ।
विज्ञापन
विज्ञापन
सोमबार बसेको मन्त्रिपरिषद् बैठकले नेपाल प्रहरी र सशस्त्र प्रहरी बलको रासन दररेटमा १५ प्रतिशतले बढाउने निर्णय गरेको छ । यस निर्णयबाट देशैभरका प्रहरीलाई फाइदा पुग्नेछ ।
मन्त्रिपरिषद् बैठकले कोडिभ–१९ को महामारीबाट प्रभावित अतिविपन्न परिवारलाई नगद हस्तान्तरण कार्यविधि २०७८ स्वीकृत प्रदान गरेको छ । यसबाट कोभिड प्रभावितलाई नगद हस्तान्तरण गर्ने सरकारको योजना कार्यान्वयनमा जानेछ भने देशैभरका गरीब जनताले सरकारबाट नगद लाभ पाउने छन् ।
देउवा सरकारले बेमौसमी वर्षाका कारण आएको बाढी तथा डुबानबाट धानबालीमा भएको क्षतिको अध्ययन गर्न कार्यदल गठन गरेको छ । बैठकले गृह मन्त्रालयको सचिवको संयोजकत्वमा कार्यदल गठन गरेको प्रवक्ता ज्ञानेन्द्रबहादुर कार्कीले जानकारी दिए ।
कार्यदलमा कृषि तथा पशुपक्षी विकास, अर्थ, उद्योग, वाणिज्य तथा आपूर्ति, संघीय मामिला तथा सामान्य प्रशासन मन्त्रालयका सचिव र राष्ट्रिय योजना आयोगका सचिव सदस्य रहेका छन् ।
कार्यदललाई ३ दिनभित्र प्रतिवेदन पेश गर्न कार्यादेश दिइएको छ । सरकारको यो निर्णयबाट अविरल वर्षाले धानबालीमा क्षति व्यहोरेका किसानलाई फाइदा पुग्नेछ ।
यसैबीच सरकारले नेपाल वायु सेवा निगमका अध्यक्ष सुशील घिमिरेले दिएको राजीनामा स्वीकृत गर्दै निगमको कार्यकारी अध्यक्षमा युवराज अधिकारीलाई नियुक्त गरेको छ ।
सरकारले नेपाल पुनर्बीमा कम्पनी लिमिटेडको सञ्चालक समितिको अध्यक्षमा डा. रवीन्द्र घिमिरे र सदस्यमा मदन पोखरेललाई नियुक्त गर्ने निर्णय समेत गरेको छ ।
चर्चामा
सम्बन्धित समाचार
फेसबुक प्रतिक्रियाहरु