आगामी निर्वाचनपछि नेकपा एमालेले पुनः देशको नेतृत्व गर्छ : बादल
चितवन । नेकपा एमाले स्थायी कमिटी सदस्य रामबहादुर थापा (बादल)ले आगामी निर्वाचनपछि नेकपा एमालेले पुनः देशको नेतृत्व गर्ने बताएका छन् । नेकपा एमाले कालिका नगर कमिटीले आयोजना गरेको शुभकामना आदानप्रदान कार्यक्रममा बोल्दै नेता बादलले सत्ताबाट विशेष कारणले प्रतिपक्षमा पुगेको नेकपा एमाले पार्टीलाई अबको निर्वाचनपछि फेरि देशको नेतृत्वगर्ने जिम्मवारी आउने दाबी गरे ।
कम्युनिष्ट पार्टीहरु फुट्नुको कारणबारे समिक्षागर्दै सम्पन्न विद्यान महाधिवेशनबाट नेता कार्यकर्तादेखि आम मतदाताहरु समेत उत्साहित देखिएको उनले बताए । विद्यान महाधिवेशले संगठनात्मक सिद्धान्तसँगै नेतृत्व निर्माणको सिद्धान्तमा देखिएको त्रुटिलाई सच्चाएर गुटबन्दी गर्ने परिपाटीको अन्त्य गरेको उनको भनाइ छ ।
विज्ञापन
पूर्व गृहमन्त्री समेत रहेका नेता बादलले महाधिवेशनबाट कार्यकारी पदहरुमा, पदाधिकारीहरुमा, मुख्य नेतृत्वमा २ कार्यकाल भन्दाबढी रहन नपाउने सिद्धान्त प्रतिपादन गरिएको बताए । एउटै पदमा वषौं सम्म रहिरहने परिपाटी सकिएसँगै नयाँ अनुहारहरुले अवसर पाउँदै गएपछि पार्टीभित्र गुटबन्दी सधैका लागि समाप्त हुने उनको विश्वास छ ।
विज्ञापन
नेता बादलले स्थानीय तहका नेता कार्यकर्तालाई निर्वाचनको तयारीमा लाग्न समेत निर्देशन दिए । अब आउने चुनावमा सबैठाउँमा एमालेले बहुमत ल्याउने गरी तयारीमा जुट्न उनले आग्रह गरेका हुन् । कार्यक्रममा नेकपा एमाले बागमती प्रदेश सह इन्चार्ज काशीनाथ अधिकारीले अदालतको सेटिङबाट बनेको कम्फटेबल सरकारले जनताको मन जित्न नसक्ने जिकिर गरे । नेता अधिकारीले देश बनाउने भिजन एमाले पार्टीसँग मात्रै भएको दावी गरे ।
चर्चामा
सम्बन्धित समाचार
फेसबुक प्रतिक्रियाहरु