सत्तापक्षमा खुसीयाली, विपक्षी तनावमा
काठमाडौं- मध्यरातमा राष्ट्रपति विद्यादेवी भण्डारीले प्रधानमन्त्रीका लागि दावी परेका दुवै नेता केपी ओली र शेरवहादुर देउवा दुवैको दावी खारेज गर्दै संसद विघटन गरेपछि विभिन्न प्रतिक्रियाहरू आइरहेका छन् । सत्तापक्षले खुसीयाली मनाइरहेका छन् भने विपक्षी तनावमा देखिएका छन् ।
यसै बिषयमा अहिले सत्तापक्षका नेताहरुले खुसी मनाउन थालेका छन भने विपक्षी गठवन्धनका नेताहरुले आक्रोश पोख्न थालेका छन् । सामाजिक संजालमार्फत उनीहरूले आफ्ना धारणा राखिरहेका छन् ।
विज्ञापन
यस्तैमा माओवादी केन्द्रका नेता वर्षमान पुनले मध्यरात डकैती गरिएको टिप्पणी गरेका छन् । राष्ट्रपतिबाट आएको निर्णयलाई उनले सामाजिक सन्जालमार्फत मध्यरातको डकैती को संज्ञा दिएका हुन् ।
विज्ञापन
उनले सामाजिक सन्जालमा लेखेका छन्, – मध्यरातमा डकैती गरियो / ज्ञानेन्द्र शाहले पनि शुक्रबार / मध्यरात नै रोज्ने गर्थे ।
त्यस्तै, नेपाली काँग्रेसका नेता रमेश लेखकले राष्ट्रपतीले संविधान च्यात्ने काम गरेको बताए । उनले भने, – हाम्रो दाबी पुगेको थियो। दाबी पुगेन भन्नु संविधान च्यात्ने काम हो।
यसैबीच प्रधानमन्त्रीको सरकारी निवास बालुवाटारमा मन्त्रिपरिषदको आकस्मिक बैठक बसिरहेको छ । पराराष्ट्र मन्त्री प्रदीप ज्ञवालीले केहीबेरमा बैठक सुरु हुने जानकारी दिए । तर, बैठकका एजेन्डाबारे आफू जानकार नरहेको मन्त्री ज्ञवालीले बताए ।
चर्चामा
सम्बन्धित समाचार
फेसबुक प्रतिक्रियाहरु