माधव नेपाल समूहमा वि’द्रोह, कोर टीमका ६ सदस्यले लगाए हस्ताक्षर दु’रूपयोगको आरोप
नेकपा एमालेको माधव नेपाल समूहमा वि’द्रोह भएको छ ।
यसअघि केपी शर्मा ओलीवि’रुद्ध एकजुट भएका प्रभावशाली नेताहरूले कांग्रेस सभापति शेरबहादुर देउवालाई प्रधानमन्त्री बनाउन प्रस्ताव गरेपछि नेता नेपालसँग वि’द्रोह गरेका हुन् ।
विज्ञापन
गत पुस ५ गते प्रतिनिधि सभा वि’घटन हुने समयमा नेपाल पक्षमा ४४ सांसद थिए । देउवालाई प्रधानमन्त्री बनाउन शुक्रवार हस्ताक्षर गर्ने बेलामा नेपालसँग २० भन्दा कम सांसद उपस्थित भएका छन् ।
विज्ञापन
विपक्षी गठबन्धनले १४९ जनाको हस्ताक्षरमा नेपाल पक्षका २७ जना सांसदको नाम समावेश गरेपनि नेपाल पक्षका प्रभावशाली नेताहरूले आफ्नो हस्ताक्षर दु’रुपयोग गरिएको आरोप लगाएका छन् ।
नेपाल पक्षको कोर टीमका सदस्यहरू सुरेन्द्र पाण्डे, गोकर्ण विष्ट र घनश्याम भुसालले शुक्रवार आफूहरूको हस्ताक्षर दु’रुपयोग गरिएको आ’रोप लगाएका छन् ।
यससँगै उनीहरूले नेपालसँग कित्ताकाटको तयारी गरेको स्रोतले बतायो । पाण्डेले देउवालाई प्रधानमन्त्री बनाउन आफूले हस्ताक्षर नगरेको र पुरानो हस्ताक्षर दुरुपयोग गरिएको आ’रोप लगाएका छन् ।
नेपाल पक्षमा खुलेर लागेका स्थायी कमिटी सदस्य योगेश भट्टराईले पनि देउवालाई प्रधानमन्त्री बनाउने प्रस्तावमा हस्ताक्षर गर्न अस्वीकार गरेका छन् ।
सांसदहरू नारायण खतिवडा र गणेश पहाडीले पनि देउवालाई प्रधानमन्त्री बनाउने प्रस्तावमा आफूहरूको समर्थन नरहेको बताएका हुन् ।
‘अहिलेसम्म पार्टीभित्रको संघर्षमा उहाँलाई साथ दिएको हो, आफ्नै पार्टीको सरकारलाई विस्थापित गरेर कांग्रेस सभापति देउवालाई काँध थाप्न हिँडेपछि हामीले साथ छाड्यौं,’ नेपाल पक्षमा खुलेर लागेका एक स्थायी कमिटी सदस्यले भने ।
शुक्रवार माधव नेपाललाई साथ नदिएका घनश्याम भुसाल प्रधानमन्त्री ओलीका कटु आलोचक मानिन्छन् ।
भीम रावल लगायत केही नेताले मात्र माधव नेपालको पछिल्लो कदमलाई समर्थन गरेका छन् ।
आफ्ना सांसदको हस्ताक्षर दुरुपयोग गरिएको भन्दै एमाले अध्यक्ष समेत रहेका प्रधानमन्त्री केपी शर्मा ओलीले राष्ट्रपतिलाई जानकारी गराइसकेका छन् ।
चर्चामा
सम्बन्धित समाचार
फेसबुक प्रतिक्रियाहरु