रिसोर्टले आइतबार पत्रकार सम्मेलन गरी यही पुस १७ गते जनवरी १ तारिखदेखि रिसोर्ट नियमित संचालनमा आउने लागेको जानकारी दिएको हो । रिसोर्टका प्रबन्ध निर्देशक तेजप्रसाद घिमिरेले उद्घाटनको सम्पूर्ण तयारी पुरा भइसकेको बताउनुभयो । भरतपुर महानगरपालिकाकी प्रमुख रेनु दाहालले रिसोर्टको समुद्घाटन गर्ने कार्यक्रम रहेको घिमिरेले जानकारी दिनुभयो । प्रवन्ध निर्देशक घिमिरेले गुणस्तरीय सेवा प्रदान गर्ने उद्देश्यले रिसोर्ट संचालनमा ल्याइएको बताउनुभयो । उहाँले रिसोर्ट संचालन गर्न ३० करोड खर्च भएको जानकारी भयो ।
विज्ञापन
रिसोर्टमा २८ वटा लक्जरियस कोठाहरु रहेका छन् भने डिजिटल बार, स्वीमिङ पुल, रुफटप रेष्टुरेन्ट, डायनिङ रेष्टुरेन्ट, व्याङक्वेट हल रहेको संचालक घनश्याम सुवेदीले बताउनुभयो ।
भरतपुर विमानस्थलसंगै जोडिएकाले पाहुनाहरुका लागि सहज हुने रिसोर्टका संचालक शिव ढकालले बताउनुभयो । उहाँका अनुसार रिसोर्टमा ३२ जनाले रोजगारी पाएका छन् । सो रिसोर्ट साढे १७ कठ्ठा क्षेत्रफलमा फैलिएको छ ।
फेसबुक प्रतिक्रियाहरु